Фудбалската федерација на Македонија заедно со претставници од асоцијациите на Уругвај, Кипар и Хрватска по барање на Фудбалската асоцијација на Обединетите Арапски Емирати во Дубаи од 5. до 8. мај одржаа презентација на COMET имформатичкиот систем и начинот на кој системот се користи во унапредување на управувањето со натпреварувањата, дисциплинските мерки, тимската и индивидуалната статистика во националните првенства. Поканата за учество на работниот семинар во Дубаи, Фудбалската федерација на Македонија ја доби по имплементираниот информатички систем во нашето првенство и одличната презентација на меѓународната конференција за информатизација на фудбалските сојузи во Хвар, Хрватска, конференција на која учествуваа повеќе од 50 членови од 20 фудбалски сојузи од целиот свет.
„Презадоволни сме од начинот на кој ја претставивме нашата програма и информатичкиот COMET систем кој го користиме веќе втора година во националното првенство. Имавме прилика да го слушнеме искуството на останатите корисници, но тоа што нѐ прави посебно горди е фактот што многумина од учесниците на конференцијата бараа детално објаснување на нашата имплементација на COMET системот за подобро искористување и унапредување на процесите во својата организација. Оттаму и поканата од Фудбалската асоцијација на Обединетите Арапски Емирати за претставување на нашата програма и пред претставници на Лигата од Блискиот исток“, – вели Ивана Пројковска, COMET администратор во Фудбалската федерација на Македонија.
Како технолошка основа, информатичкиот COMET производ e темел на КОПА Америка.